លោក រិទ្ធី បកស្រាយរឿងគេចោទថា ពុករលួយ នៅខេត្ត រតនគិរី តាមពិតព្រោះតែ….

កាលពីម្សិលមិញនេះលោក សុវណ្ណ រិទ្ធី ដែលជាអានព័ត៌មានអោយទូរទស្សន៍ហង្សមាស ត្រូវបានរងការចោទប្រកាន់ថាលោកប្រព្រឹត្តិអំពើរពុករលួយនៅក្នុងទឹកដីខេត្ត រតនគិរី ។ អ្នកដែលចោទប្រកាន់លោក សុវណ្ណ រិទ្ធី គឺជាអតីតបុគ្គលិករបស់ហង្សមាស ពោលគឺជាអ្នកយកព័ត៌មានប្រចាំខេត្តរតនគិរី តែម្តង។ បើតាមការបកស្រាយរបស់លោក រិទ្ធី នៅព្រឹកមិញនេះគឺ លោក គឹម ហេង ត្រូវបានអង្គភាពបញ្ឈប់ពីការងារ ហើយដោយសារតែខឹងទើប ចោទលោក រិទ្ធី បែបនេះតែម្តងទៅ។ តោះស្តាប់ការបកស្រាយរបស់លោក រិទ្ធី នៅខាងក្រោមនេះ៖

រឿង​អ៊ូខុង​ "Wu Kong” ដែល​នឹង​ដាក់​បញ្ចាំង​ខែ​កក្កដា​បញ្ចេញ​ Trailer ថ្មី

សាច់​រឿង​ "អ៊ូខុង" ដែល​ដក​ស្រង់​ចេញ​ពី​រឿង​ភាគ "ថាង​ចេង​ចម្លង​ធម៌​"​នៅ​តែ​ល្បី​ ដែល​ថ្មី​ៗ​​នេះ​រឿង​ "អ៊ូខុង" ថ្មី​ដែល​មាន​ចំណង​ជើង​ថា "Wu Kung” ទើប​តែ​ចេញ Trailer មុន​គ្រោង​នឹង​ចាប់​ដាក់​បញ្ចាំង​នៅ​ខែ​កក្កដា​ឆ្នាំ ២០១៧ នេះ។

រឿង​នេះ​ នឹង​ចូល​រួម​សម្ដែង​ដោយ Eddie Peng សម្ដែង​ជា​តួ ស្តេច​ស្វា​អូខុង និង​តារា​សម្តែង​ដូច​ជា​ Ni Ni, Oho, Shawn Ye, Zheng Shuang, Qiao Shan, និង Yang Di។ ចំពោះ​អ្នក​ដឹក​នាំ​រឿង​នេះ​ គឺ​លោក Derek Kwok និង​ផលិត​ដោយ​លោក Huang Jianxin។​

នៅ​ក្នុង​ Trailer នេះ​ គេ​បាន​បង្ហាញ​ពី​តួ​អង្គ ស៊ុន អ៊ូខុង​ ថ្មី​ដែល​សម្ដែង​ដោយ​លោក​ Eddie។ អ៊ូខុង​ ជា​ស្ដេច​ស្វា​ដែល​មាន​មហិទ្ធិឫទ្ធិ​​​ ដែល​ចង់​ប្រឆាំង​នឹង​ទេវតា​មិន​ចេះ​ញញើត។ ក្នុង​រឿង​ថ្មី​នេះ ​ស្តេច​ស្វា​នេះ នឹង​មាន​អាវុធ​ដំបង​ប្លែក​ថ្មី ដែល​យក​ចេញ​ពី​ត្រចៀក​ខ្លួន​ដើម្បី​កម្ចាត់​សត្រូវ។

រឿង​នេះ​នឹង​ដាក់​បញ្ចាំង​នៅ​ប្រទេស​ចិន​នៅ​ថ្ងៃ​ទី ១៣ ខែ​កក្កដា​ ឆ្នាំ​២០១៧៕

បើ​ចង់​ដឹង​ថា​ស្ដេច​ស្វា​ថ្មី​នេះ​ខ្លាំង​ប៉ុនណា​ មក​មើល​ Trailer នេះ​ទាំង​អស់​គ្នា!

ប្រភព៖ jaynestars ប្រែ​សម្រួល៖ ធារ៉ូ

ទស្សនា​បច្ចេកទេស​លេង​របស់ Neymar ថ្មី ដែល​ជា​ទិស​ដៅ​របស់ Real Madrid - Sabay News

តាម​សេចក្ដី​រាយការណ៍​ក្រុម​យក្ស Real Madrid បាន​ដាក់​ការ​ចាប់អារម្មណ៍​លើ​​កីឡាករ​យុវជន​ប្រេស៊ីល Vinicius Jr ហើយ​ក៏​ឈាន​ដល់​ការ​ព្រមព្រៀង​តម្លៃ​ផង​ដែរ។ បើ​មើល​តាម​វីដេអូ​ខាង​ក្រោម​អាច​បក​ស្រាយ​ចំពោះ​អ្នក​ថា ហេតុ​អ្វី​បាន​ជា​​ក្រុម​មក​ពី​ទីក្រុង Madrid មួយ​នេះ​ទាក់​ចិត្ត​នឹង Vinicius។

ក្នុង​នាម​ជា​ខ្សែ​ប្រយុទ្ធ​​រក​គ្រាប់​បាល់​បាន​ច្រើន​ជាង​គេ​​៧​គ្រាប់​ក្នុង​កម្មវិធី​ប្រកួត  2017 South American Under-17 Championship កីឡាករ Vinicius Jr ត្រូវ​បាន​គេ​កត់​សម្គាល់​ថា មាន​ស្ទីល​លេង​ស្រដៀង​សិស្ស​ច្បង Neymar ។ ក្នុង​តម្លៃ​ជិត​៥០​លាន​អឺរ៉ូ(ជិត​៥៥​លាន​ដុល្លារ) Real Madrid អះអាង​ថា ខ្លួន​ជិត​ទិញ​បាន​កីឡាករ​វ័យ​១៦​ឆ្នាំ​រូប​នេះ​ហើយ ដោយចាំតែរូបគេ​គ្រប់​អាយុ​១៨​ឆ្នាំ​ប៉ុណ្ណោះ (តាម​ច្បាប់​ដោះដូរ​កីឡាកររបស់ FIFA )។ គ្រាប់​ពេជ្រ​​របស់​ប្រេស៊ីល​មួយ​គ្រាប់​​នេះ ក៏​នឹង​ត្រៀម​បង្ហាញ​ខ្លួន​ជា​លើក​ដំបូង​ឲ្យ​ក្រុម​អាជីព​ឈុត​ធំ Flamengo ក្នុង​ប្រទេស​ប្រេស៊ីល​ក្នុង​ពេល​ឆាប់​ៗ​នេះ​ដែរ៕ ​

ប្រភព៖ Marca ប្រែ​សម្រួល៖ ហេង សុធារិទ្ធិ

ប្រើអន្ទង់ព្យាបាលជំងឺទល់លាមក ត្រូវអន្ទង់ត្បុរចូលពោះ ទើបរក​ពេទ្យជួយ

បុរស​ជនជាតិ​ចិន​ម្នាក់ បាន​ធ្វើ​ឲ្យ​មនុស្ស​ជា​ច្រើន​ភ្ញាក់ផ្អើល​ផង និង​ហួស​ចិត្ត​ផង ​បន្ទាប់​ពី​យក​សត្វ​អន្ទង់​ធំ​ល្មម​មួយ​ក្បាល​ឲ្យ​ជួយ​ព្យាបាល​ជំងឺ​ទល់​លាមក​ រហូត​ត្រូវ​វះកាត់។

បើ​តាម​ប្រភព គាត់​បាន​យក​អន្ទង់​រស់​ញាត់​តាម​​ទ្វារ​លាមក​របស់​ខ្លួន តែ​ត្រូវ​អន្ទង់​ត្បុរ​ចូល​​ជ្រៅ​ទៅ​ក្នុង​ពោះ​ធ្វើ​ឲ្យ​ឈឺ​ចុក​ចាប់​ខ្លាំង​ឡើង​ៗ ទើប​ប្រញាប់​រត់​រក​ពេទ្យ​ឲ្យ​ជួយ។

គ្រូពេទ្យ​ទីក្រុង​ក្វាងចូវ ខេត្ត​ក្វាងទុង ​បាន​សម្រេច​វះកាត់​ភ្លាម​ៗ​ ទើប​​ឃើញ​អន្ទង់​ក្នុង​ពោះ​នៅ​រស់​ប្រវែង ៦០​សង់ទីម៉ែត្រ។ គ្រូពេទ្យ​ថា អន្ទង់​នោះ​បាន​ងាប់​ពេល​យក​ចេញ​ពី​ពោះ​បាន​បន្តិច ហើយ​អ្នក​ជំងឺ​ទល់​លាមក​បាន​​កើត​អាការៈ​រលាក​ក្រពះ​បន្ថែម​ទៀត។

អ្នក​ជំងឺ​អាយុ ៤៩​ឆ្នាំ សុំ​មិន​បញ្ចេញ​ឈ្មោះ​រូប​នេះ​ប្រាប់​គ្រូពេទ្យ​ថា ​គាត់​បាន​ឮ​គេ​និយាយ​ត​ៗ​គ្នា​តាម​ដង​ផ្លូវ​ថា សត្វ​អន្ទង់​រស់​អាច​ជួយ​ព្យាបាល​ជំងឺ​ទល់​លាមក​បាន​យ៉ាង​មាន​ប្រសិទ្ធភាព រួច​គាត់​បាន​សាក​ញាត់​អន្ទង់​តាម​ទ្វារលាមក​ខ្លួន​ឯង​តែម្ដង។

គ្រូ​ពេទ្យ​ចូល​រួម​វះកាត់​ម្នាក់​ទៀត​ប្រាប់​ថា ​ពេល​អ្នក​ជំងឺ​មក​ដល់​មន្ទីរ​ពេទ្យ​ភ្លាម គាត់​ឃើញ​ពោះ​អ្នក​ជំងឺ​​ហើម​ធំ​ដូច​ប៉េងប៉ោង បណ្ដាល​ឲ្យ​​​អ្នក​ជំងឺ​ចុក​ចាប់​ខ្លាំង៕

ប្រភព៖ The Sun ប្រែ​សម្រួល៖ ឡេង ភារុណ

Galaxy S9​ ​ដើរ​លឿន​ជាង​ ​S8/ S8 Plus​ ​ដល់​ទៅ​ ​៣៥%

បិតា​ផលិត​បន្ទះ​ឈីប​សម្រាប់​ស្មាតហ្វូន​ ​Qualcomm​ ​បាន​បង្ហើប​ពី​ផលិតផល​ជំនាន់​ថ្មី​សម្រាប់​ឆ្នាំ​ ​២០១៨​ ​ដែល​មាន​ទំហំ​តែ​ ​៧nm​ ​ម៉ូដែល​ ​Snapdragon 845​ ​ហើយ​អះអាង​ថា​ជា​បន្ទះ​ឈីប​ខ្លាំង​បំផុត។

Snapdragon 845​ ​មាន​ទំហំ​តូច​ ​តែ​មាន​សមត្ថភាព​ខ្ពស់​ជាង​ម៉ូដែល​ ​Snapdragon 835​ ​ដែល​មាន​បំពាក់​លើ​ ​Galaxy S8/ S8 Plus​ ​ចន្លោះ​ពី​ ​២៥​ ​ទៅ​ ​៣៥%​ ​ភាគ​រយ​ ​ហើយ​ ​845​ ​នឹង​មាន​បំពាក់​មុន​គេ​នៅ​លើ​ ​Galaxy S9​ ​ដែល​អាច​នឹង​បង្ហាញ​ខ្លួន​នា​ថ្ងៃ​ ​២៦​ ​កុម្ភៈ​ ​២០១៨។

ទន្ទឹម​នោះ​ ​Qualcomm​ ​ក៏​គ្រោង​នឹង​បញ្ចេញ​បន្ទះ​ឈីប​ម៉ូដែល​ ​Snapdragon 660​ ​សម្រាប់​ស្មាតហ្វូន​ ​Samsung Galaxy C, Xiaomi Redmi Pro 2, Xiaomi Mi Max 2, Oppo R11, Vivo X9s Plus, Nokia 7​ ​និង​ ​Nokia 8៕

ប្រភព៖ PhoneArena ប្រែ​សម្រួល៖ រដ្ឋ

How to Post a post to website (Blogger)

In Blogger you can create your own website easy, you can blogger to post your content for news, sales,.... and you can earn money from your website by google adsense.

So I will show you how to post a content in to blogger .

1- You just go to www.blogger.com and sign you gmail account

2- Create blogspot

3-After created blogger you can go to Post section and click on New Post

4- and then you can write you post to post in website.

មូលហេតុ​ស្ត្រីនៅចិន គោរពស្រលាញ់ និងចាត់ទុក​កូនស្រី ដូណាល់ ត្រាំ ជាទេពធីតា

កាល​ពី​ពេល​ថ្មីៗ​នេះ កូនស្រី​ប្រធានាធិបតី​អាមេរិក ដូណាល់ ត្រាំ គឺ​អ្នកស្រី Ivanka Trump បាន​ទទួល​រង​ការ​រិះគន់​យ៉ាង​ខ្លាំង នៅ​ក្នុង​សហរដ្ឋអាមេរិក ដោយសារតែ ការ​ពាក់ព័ន្ធ​នៅ​ក្នុង​អធិបតីភាព​របស់​ឪពុក​នាង ប៉ុន្តែ​នៅ​ក្នុង​ប្រទេស​ចិន​វិញ អ្នក​ស្រី​ត្រូវ​បាន​គេ​ចាត់​ទុក​ជា​ស្ត្រី​ដ៏​ល្អ​ឥតខ្ចោះ​ម្នាក់។

បើ​យោង​តាម​សារព័ត៌មាន New York Times បាន​ឲ្យ​ដឹង​ថា អ្នកស្រី Ivanka ត្រូវ​បាន​គេ​គោរព​ស្រលាញ់​យ៉ាង​ទូលំទូលាយ នៅ​ក្នុង​ប្រទេស​ចិន រហូត​ដល់​គេ​ប្រសិទ្ធិនាម​ឲ្យ​ថា «ទេពធីតា Yi Wan Ka (Ivanka) Trump» ទៀត​ផង ដោយ​សារ​តែ​គេ​កោត​សរសើរ​ចំពោះ​ការ​អប់រំ ការ​ធ្វើ​អាជីវកម្ម និង របៀប​រស់​នៅ​របស់​អ្នក​ស្រី។

ទីភ្នាក់ងារ​សារព័ត៌មាន​ផ្លូវការ​របស់​ប្រទេស​ចិន Xinhua បាន​ពិពណ៌នា អ្នកស្រី Ivanka ថា មាន​រចនាបថ​ប្រណីត និង​សមសួន ខណៈ​មនុស្ស​ជា​ច្រើន​មើល​ឃើញ​អ្នក​ស្រី​ជា​មេដឹកនាំ ដែល​ជា​និមិត្តរូប​នៃ​អំណាច និង​មហិច្ឆតា។

ជាមួយ​គ្នា​នេះ​ដែរ ស្ត្រី​ជា​អ្នក​ផលិត​កម្មវិធី​ទូរទស្សន៍ នៅ​ក្នុង​ប្រទេស​ចិន​ម្នាក់ បាន​និយាយ​ពី​អ្នកស្រី Ivanka ថា «នាង​ពិត​ជា​មនុស្ស​ឯករាជ្យ​ខ្លាំង​ណាស់។ នាង​ជា​អ្វី​ដែល​យើង​កំពុង​ចង់​បាន... រៀបការ​ចូល​គ្រួសារ​សមរម្យ​មួយ មាន​សម្រស់​ស្រស់​ស្អាត ហើយ​ថែម​ទាំង​មាន​អាជីព​ផ្ទាល់​ខ្លួន​ទៀត»៕

ប្រភព៖ Nexshark ប្រែ​សម្រួល៖ សេង ឡុង